اهلا بيك، احب اعرفك بنفسي انا بولا هاني اخصائي تغذية ومدرب كمال اجسام واخصائي علم حركة معتمد من منظمات دولية خارج مصر وحاصل علي اكتر من ٣ شهادات في مجال التغذية والتدريب

..

ولكن دي ماكنتش البداية لان البداية فعلا كان شاب لسة مخلص ثانوية عامة جسمه سئ وضعيف ونسبة دهونه زايدة ومعندهوش ثقة في نفسه فا قرر انه ينزل يتمرن ويعمل دايت بسيط عشان يحسن من جسمه وصحته ولكن المفاجأة كانت ضياع اكتر من سنتين بلا اي نتيجة او تقدم نظرا لقلة الوعي وزيادة المعلومات المغلوطة ولكن لشغفي وحبي للتمرين دايما حبيت اني اتعلم واخوض التجربة بنفس واطبق كل اللي اتعلمه

..

فاثناء شغلي في احدي الصيدليات في فترة ما واللي استمرت ما يقرب من سنة تقريبا وقع قدامي كتاب تغذية وتمرين لأحد المنظمات المعتمدة فبدأت اقرأ واتعلم منه واطبق فورا كل اللي بتعلمه علي نفسي لحد ما شوفت تطور ملحوظ وقررت اني ادخل المجال واكمل رحلة تعليمي وافادة ملايين البشر وهنا كانت بداية جديدة اخدت اكتر من ٥ شهادات في خلال سنتين فقط دا غير قرأة عشرات الكتب ومئات الدراسات والابحاث وهنا قررت اني امرن كل اصحابي وعائلتي مجانا بغرض التعلم وزيادة الخبرة فقط

..

وبالفعل حققوا نتايج وتحولات ممتازة كانوا راضيين عنها تماما واصبحوا عملائي الان وهم اللي شجعوني اخد الخطوة وابدأ اقدم محتوي واعلن عن دا بشكل رسمي وبعد شغلي مع مئات العملاء لمدة سنة وتحقيق نتايج مرعبة وتقديم محتوي علمي مفيد وقوي بدأت رحلة جديدة في احدي الشركات الرائدة في مجال التغذية والتدريب وكانت وظيفتي هناك اني قائد فريق وبفضل الله اشرفت علي قاعدة عملاء تتعدي ال ١٥ الف عميل في اقل من سنة ونص خلال فترة عملي وكثير من العملاء دي اصبحوا اصدقائي واصدقاء للمكان والشركة

...

لحد ما بدأت بداية جديدة تماما وهي اني استغل علمي في مجال التغذية وخبرتي في مجال البيزنس والشركات وافتح شركتنا الرائدة "فيتنس سافيور" وهنا كانت بداية قائمة علي تقيم قيمة حقيقية للعميل وارضاء العميل بكافة الطرق من الخدمة والنتايج الي بيحصل عليها والحمدلله مرنت اكتر من ١٠٠٠ عميل بنفسي منذ بدايتي وبداية الشركة واستمتعت كتير بالشغل معاهم وممتن للظروف اللي جمعتني بيهم حتي الأن